ஐஎஸ்எல் தொடரில் நார்த் ஈஸ்ட் யுனைடெட் அணியை எதிர்த்து ஜாம்ஷெத்பூர் எஃப்.சி. அணி ஆடியது. இந்த ஆட்டத்தின் நான்காவது நிமிடத்திலேயே நார்த் ஈஸ்ட் அணியின் ஃபெடரிகோ முதல் கோலை அடித்து அசத்தினார். இதனால் ஆட்டம் தொடக்கம் முதலே பரபரப்பானது. இதையடுத்து முதல் பாதி ஆட்ட நேரம் முடிவடைந்தபோது, கூடுதல் நிமிடங்கள் வழங்கப்பட்டது. அப்போது யாரும் எதிர்பாராத வகையில் ஜாம்ஷெத்பூர் அணியின் டேவிட் கிராண்ட் கோல் அடித்து 1-1 என சமநிலைப்படுத்தினார். இதனால் முதல் பாதி ஆட்டம் 1-1 என்று கணக்கில் முடிவுக்கு வந்தது.
பின்னர், நடந்த இரண்டாம் பாதி ஆட்டத்தில் இரு அணி வீரர்களும் கோல் போடும் முனைப்பில் ஆக்ரோஷமான ஆட்டத்தை வெளிப்படுத்தினர். இதன் பலனாக ஆட்டத்தின் 77ஆவது நிமிடத்தில் நார்த் ஈஸ்ட் அணியின் ரதீம் இரண்டாவது கோல் அடித்தார். அதனைத்தொடர்ந்து ஜாம்ஷெத்பூர் அணிக்குக் கிடைத்த பெனால்டி வாய்ப்பை அந்த அணி வீணடித்தது.