ஐ லீக் கால்பந்து தொடரின் இன்றைய ஆட்டத்தில் மோகன் பகன் அணியை எதிர்த்து ஐஸ்வால் எஃப்.சி. அணி ஆடுகிறது. 13 ஆட்டங்களாக மோகன் பகன் அணி தொடர்ந்து வெற்றிபெற்று வரும் நிலையில் இன்று நடக்கவுள்ள ஆட்டத்தில் வென்றால், ஐ லீக் கோப்பையைக் கைப்பற்றும்.
15 போட்டிகளில் ஆடியுள்ள மோகன் பகன் அணி 36 புள்ளிகளைப் பெற்றுள்ளது. இதனால் கோப்பையைக் கைப்பற்றுவதற்கு இரண்டு புள்ளிகள் மட்டுமே தேவை என்ற நிலை ஏற்பட்டுள்ளது. கடந்த போட்டியில் சென்னை சிட்டி எஃப்.சி. அணியை எதிர்த்து ஆடிய மோகன் பகன் அணி 1-1 என்ற கணக்கில் டிரா செய்தது.
இன்றைய ஆட்டம் பற்றி மோகன் பகன் பயிற்சியாளர் கிபு விகுனா பேசுகையில், ''நாங்கள் இன்னும் கோப்பையை வெல்வது பற்றி சிந்திக்கவில்லை. இன்றைய ஆட்டத்தில்தான் எங்களது சிந்தனை உள்ளது. ஐஸ்வால் அணி அதிகமான வலிமையுடன் உள்ளது'' என்றார்.