ஆப்பிள் ஜூஸ் என நினைத்து சிறுநீரை குடித்த பிரபல கால்பந்து வீரர்!

பிரபல மான்செஸ்டர் யுனைடெட் அணியின் நடுகள வீரர் பவுல் போக்பா ஆப்பிள் ஜூஸ் என நினைத்து தனது சிறுநீரை குடித்துள்ளார்.

பிரான்ஸ் நாட்டைச் சேர்ந்த பிரபல கால்பந்து வீரர் பவுல் போக்பா, இங்கிலாந்தின் மான்செஸ்டர் யுனைடெட் கிளப் அணிக்காக விளையாடிவருகிறார். 26 வயதான இவர், கடந்த ஆண்டு செப்டம்பர் மாதத்தின் போது தனது கணுக்காலில் ஏற்பட்ட காயத்தில் இருந்து குணமாகி டிசம்பர் மாதம் மீண்டும் அணிக்கு திரும்பினார்.

ஆனாலும் அவரது கணுக்காலில் வலி குறையாததால் அறுவை சிகிச்சை அளிக்கப்பட்டது. இந்நிலையில், ஓய்வில் இருக்கும் அவர் ஆப்பிள் ஜூஸ் என நினைத்து தனது சிறுநீரை பருகியதை ஜாலியாக தனது இன்ஸ்டாகிராமில் பதிவிட்டிருந்தார். பார்பதற்கு ஆப்பிள் ஜூஸ் போலவே இருப்பதால் நான் எனது சிறுநீரை கூட குடிப்பேன் என நினைக்கிறேன் என்றார்.

மேலும், ஆறுவை சிகிச்சை மேற்கொண்ட பின் எனது காலில் விரல்கள் இருப்பதை என்னால் உணரமுடியவில்லை. ஆனாலும் நான் நலமாக இருக்கிறேன் எனவும் குறிப்பிட்டிருந்தார். இதையடுத்து, இந்த வீடியோ சமூக வலைதளங்களில் வைரலான நிலையில், அந்த வீடியோவை தனது இன்ஸ்டாகிராம் பக்கத்தில் இருந்து நீக்கியுள்ளார்.

போக்பா இல்லாமல் சமீபத்தில் மான்செஸ்டர் சிட்டி அணிக்கு எதிரான கராபோ கோப்பை தொடரின் முதல் அரையிறுதிப் போட்டியில் மான்செஸ்டர் யுனைடெட் அணி 1-3 என்ற கோல் கணக்கில் தோல்வி அடைந்தது குறிப்பிடத்தக்கது.

இதையும் படிங்க:டென்னிஸ் ராக்கெட்டால் தனது தந்தையை அடித்த வீரர்