இத்தாலியில் சீரி ஏ கால்பந்துத் தொடரை வென்ற அணிகளுக்கும், கோப்பா இத்தாலி பட்டம் வென்ற அணிகளுக்குமிடையே இத்தாலி சூப்பர் கோப்பை கால்பந்து தொடர் ஒவ்வொரு ஆண்டும் நடைபெறுவது வழக்கம். இந்நிலையில், சவுதி அரபியோவின் ரியாத் நகரில் நடைபெற்ற இந்த சீசனுக்கான இத்தாலி சூப்பர் கோப்பை கால்பந்து போட்டியில் கடந்த சீசனில் சீரி ஏ சாம்பியனானா யுவென்டஸ் அணி, கோப்பா இத்தாலி பட்டம் வென்ற லாசியோ அணியை எதிர்கொண்டது.
நடப்பு சீரி ஏ சீசனில் யுவென்டஸ் அணி, லாசியோ அணிக்கு எதிரான போட்டியில் மட்டுமே தோல்வி அடைந்திருந்தது. இதனால், அந்தத் தோல்விக்கு யுவென்டஸ் அணி பதிலடி கொடுக்குமா என்ற எதிர்பார்ப்பில் அந்த அணி ரசிகர்கள் இருந்தனர். ஆட்டத்தின் 16ஆவது நிமிடத்திலேயே லாசியோ வீரர் லூயிஸ் அல்பர்டோ கோல் அடித்து அணிக்கு முன்னிலைப் பெற்றுதந்தார். இதையடுத்து, 45ஆவது நிமிடத்தில் யுவென்டஸ் வீரர் டிபாலா கோல் அடிக்க முதல் பாதி ஆட்டம் 1-1 என்ற கோல் கணக்கில் முடிவடைந்தது.