இந்தியன் சூப்பர் லீக் கால்பந்து தொடரின் 7ஆவது சீசன் பிளே ஆஃப் சுற்றை நெருங்கிவிட்டது. நேற்று (பிப்.12) நடைபெற்ற லீக் போட்டியில் ஹைதராபாத் எஃப்சி அணி - எஸ்.சி.ஈஸ்ட் பெங்கால் அணியுடன் பலப்பரீட்சை நடத்தியது.
போட்டியின் முதல் பாதி ஆட்டத்தில் இரு அணிகளும் அபாரமான டிஃபென்ஸ் ஆட்டத்தை வெளிப்படுத்தியதன் மூலம், கோல் ஏதுமின்றி ஆட்டம் சமநிலையில் இருந்தது.
அதன்பின் நடைபெற்ற இரண்டாம் பாதியில் அட்டாக்கிங் ஆட்டத்தை வெளிப்படுத்திய ஈஸ்ட் பெங்கால் அணி 59ஆவது நிமிடத்தில் பிரைட் ஏனோபகாரே கோலடித்து அணியை முன்னிலைப்படுத்தினார்.
பின்னர் தோல்வியைத் தவிர்க்க போராடிய ஹைதராபாத் அணி ஆட்டத்தின் கூடுதல் நேரமான 90+4ஆவது நிமிடத்தில் கோலடித்து தோல்வியைத் தவிர்த்தது. இதனால் ஆட்டநேர முடிவில் இரு அணிகளும் 1-1 என்ற கோல் கணக்கில் சமநிலையில் இருந்ததால் ஆட்டம் டிராவில் முடிந்ததாக அறிவிக்கப்பட்டது.
இதையும் படிங்க:மாற்றுத்திறனாளிகள் கிரிக்கெட் அணி தேர்வில் முதற்கட்டமாக 65 வீரர்கள் தேர்வு!