'ஜெரோம் என்றுமே பேயர்ன் முனிச் வீரர்தான்' - பயிற்சியாளர் ஃபிளிக்!

லீட்ஸ்: ஜெரோம் அணி மாறுவது குறித்த வதந்திகள் பற்றி கவலை கொள்ளமாட்டேன் என பேயர்ன் முனிச் அணியின் இடைக்காலப் பயிற்சியாளர் ஃபிளிக் தெரிவித்துள்ளார்.

ஜெர்மனியில் பிரபலமான பண்டஸ்லீகா கால்பந்து தொடர் நடைபெற்றுவருகிறது. அந்தத் தொடரின் முன்னணி அணியான பேயர்ன் முனிச், 33 புள்ளிகளுடன் மூன்றாவது இடத்தில் உள்ளது. இதனிடையே அந்த அணியின் முக்கிய டிஃபெண்டரான ஜெரோம், ப்ரீமியர் லீக் கிளப் அணியான ஆர்சனல் அணிக்கு இடமாறவுள்ளதாக தகவல்கள் வெளியாகின.

இதுகுறித்து பேயர்ன் முனிச் அணியின் இடைக்காலப் பயிற்சியாளர் ஃபிளிக் பேசுகையில், ”ஜெரோம் பேயர்ன் அணியின் முக்கிய வீரர். வதந்திகளைப் பற்றி நான் எப்போதும் கவலைப்படப்போவதில்லை. ஜெரோம் பயிற்சிக்கு வருகையிலும் விடுமுறைக்குப் பின் வருகையிலும் மிகச்சிறந்த முறையிலே தயாராகி வந்தார்.

பயிற்சியாளர் ஃபிளிக்

தற்போது பேயர்ன் அணியிலிருந்து விலகுகிறாரா என்பது குறித்து என்னால் கூறமுடியாது. அதனைப் பற்றி இதுவரை எதுவும் என்னிடம் அவர் கூறவில்லை. ஆனால் நாங்கள் வீரர்களை மாற்றிக்கொள்வதில் ஆர்வமாக உள்ளோம். அந்த மாற்றங்கள் எவ்வாறு நடைபெறவுள்ளது என்பதைப் பார்க்க ஆர்வமாக உள்ளேன். தற்போது ஜெரோம் பற்றி எதுவும் கூறமுடியாது” என்றார்.

இதையும் படிங்க: ஒன்பது போட்டிகளுக்கு பின் முதல் வெற்றியை ருசித்த கேரளா பிளாஸ்டர்ஸ்!