ஐஎஸ்எல் தொடரின் ஏழாவது சீசன் கோவாவில் விறுவிறுப்பாக நடைபெற்று வருகிறது. நேற்று (ஜன.17) மாலை ஐந்து மணிக்கு தொடங்கிய லீக் போட்டியில் ஜாம்ஷெட்பூர் எஃப்சி - நார்த் ஈஸ்ட் யுனைடெட் அணிகள் மோதின.
பரபரப்பான இப்போட்டியில் ஆரம்பத்திலேயே சிறப்பான ஆட்டத்தை வெளிப்படுத்திய நார்த் ஈஸ்ட் அணி ஆட்டத்தின் 36ஆவது நிமிடத்தில் அசுதோஷ் மேத்தா கோலடித்து அணியின் கோல் கணக்கை தொடங்கிவைத்தார். இதன் மூலம் முதல் பாதி ஆட்டநேர முடிவில் நார்த் ஈஸ்ட் யுனைடெட் அணி 1-0 என்ற கோல் கணக்கில் முன்னிலை பெற்றது.
தொடர்ந்து நடைபெற்ற இரண்டாம் பாதி ஆட்டத்தில் சிறப்பாக செயல்பட்ட நார்த் ஈஸ்ட் யுனைடெட் அணிக்கு பிரௌன் மூலம் 61ஆவது நிமிடத்தில் மீண்டுமொரு கோல் கிடைத்தது. மறுமுனையில் தோல்வியை தவிர்க்க போராடி வந்த ஜாம்ஷெட்பூர் எஃப்சி அணிக்கு பீட்டர் ஹார்ட்லி 89ஆவது நிமிடத்தில் கோலடித்து நம்பிக்கையளித்தார்.