கரோனா பாதுகாப்பு சூழலுடன் ஐஎஸ்எல் தொடரின் ஏழாவது சீசன் கோவாவில் நடைபெறுகிறது. இதில் இன்று நடைபெறும் லீக் ஆட்டத்தில் சென்னையின் எஃப்சி அணி - எஃப்சி கோவா அணியை எதிர்கொள்கிறது.
ஜவஹர்லால் நேரு மைதானத்தில் நடைபெறும் இப்போட்டி இரவு 7.30 மணிக்கு தொடங்கவுள்ளது. இரு அணிகளும் புள்ளிப்பட்டியலில் அடுத்தடுத்த இடங்களில் உள்ளதால் இப்போட்டியின் மீதான எதிர்பார்ப்பு அதிகரித்துள்ளது.
சென்னையின் எஃப்சி:
நடப்பு ஐஎஸ்எல் தொடரில் சென்னை அணி இதுவரை ஐந்து லீக் போட்டிகளில் விளையாடி ஒரு போட்டியில் வெற்றியையும், இரண்டு போட்டிகளில் டிராவிலும், இரண்டு போட்டிகளில் தோல்வியையும் தழுவியுள்ளது.
இதன்மூலம் ஐஎஸ்எல் தரவரிசைப் பட்டியலில் ஐந்து புள்ளிகளுடன் எட்டாம் இடத்தில் உள்ளது. இதனால் இனிவரும் லீக் போட்டிகளில் வெற்றிபெற்று புள்ளிப்பட்டியலில் முன்னேறும் என்ற எதிர்பார்ப்புடன் ரசிகர்கள் காத்திருக்கின்றனர்.
எஃப்சி கோவா:
இந்தாண்டு ஐஎஸ்எல் தொடரில் எஃப்சி கோவா அணி விளையாடியுள்ள 6 போட்டிகளில், 2 வெற்றி, 2 டிரா, 2 தோல்விகளைச் சந்தித்து, 8 புள்ளிகளுடன் ஐஎஸ்எல் புள்ளிப்பட்டியலில் ஏழாம் இடத்தில் உள்ளது.
தனது சொந்த மைதானத்தில் விளையாடும் கோவா அணி, இனி வரும் போட்டிகளில் சிறப்பாகச் செயல்பட்டு பிளே ஆஃப் சுற்றுக்கு முன்னேறும் என ரசிகர்கள் எதிர்பார்த்துள்ளனர்.
இதையும் படிங்க:பகலிரவு டெஸ்ட்: மிக மோசமான ஆட்டத்தை வெளிப்படுத்திய இந்தியா!
