ஐஎஸ்எல்: சென்னையின் எஃப்சியை எதிர்கொள்ளும் ஹைதராபாத் எஃப்சி!

ஐஎஸ்எல் கால்பந்து தொடரில் இன்று நடைபெறும் லீக் ஆட்டத்தில் சென்னையின் எஃப்சி அணி - ஹைதராபாத் எஃப்சி அணியுடன் பலப்பரீட்சை நடத்தவுள்ளது.

கரோனா கட்டுப்பாட்டு விதிகளுடன் ஐஎஸ்எல் கால்பந்து தொடரின் ஏழாவது சீசன் நடைபெற்றுவருகிறது. இதில் பாம்போலியத்தில் இன்று நடைபெறும் லீக் போட்டியில் சென்னையின் எஃப்சி அணி - ஹைதராபாத் எஃப்சி அணியை எதிர்கொள்கிறது. இப்போட்டி இரவு 7.30 மணிக்கு தொடங்கவுள்ளது.

சென்னையின் எஃப்சி

நடப்பு ஐஎஸ்எல் சீசனில் சென்னையின் எஃப்சி அணி 8 லீக் ஆட்டங்களில் இரண்டு வெற்றியும், 4 போட்டிகளை டிராவிலும், 2 போட்டிகளில் தோல்வியையும் தழுவி புள்ளிப்பட்டியலின் 7ஆவது இடத்தைப் பிடித்துள்ளது.

இதனால் இன்றையப் போட்டியில் வெற்றிபெற்று புள்ளிப்பட்டியலில் முன்னேறும் என்ற எதிர்பார்ப்புடன் ரசிகர்கள் காத்திருக்கின்றனர்.

ஹைதராபாத் எஃப்சி

சீசன் தொடக்கத்தை வெற்றியுடன் ஆரம்பித்த ஹைதராபாத் எஃப்சி அணி, அதன்பின் நடைபெற்ற போட்டிகளில் சரிவர செயல்படாமல் தோல்வியைத் தழுவியது.

இந்தச் சீசனில் 8 லீக் ஆட்டங்களில் 2 வெற்றியையும், மூன்று தோல்வி, மூன்று டிரா எனப் புள்ளிப்பட்டியலின் 8ஆவது இடத்தைப் பிடித்துள்ளது. இன்றையப் போட்டியில் ஹைதராபாத் அணி வெற்றிபெற்று மீண்டும் தனது வெற்றிப்பாதைக்குத் திரும்பும் என ரசிகர்கள் எதிர்பார்த்துள்ளனர்.

இதையும் படிங்க:பீலேவை பின்னுக்கு தள்ளிய ரொனால்டோ!