ஐரோப்பிய கால்பந்து சங்கங்களின் கூட்டமைப்பு ஒருங்கிணைந்து நடத்திவரும் சாம்பியன்ஸ் லீக் கால்பந்துத் தொடர் விறுவிறுப்பாக நடைபெற்றுவருகிறது. இன்று (பிப். 18) நடைபெற்ற லீக் ஆட்டத்தில் ஜுவென்டஸ் அணி, எஃப்சி போர்டோ அணியுடன் பலப்பரீட்சை நடத்தியது.
ஆட்டம் தொடங்கிய இரண்டாவது நிமிடத்திலேயே போர்டோ அணியின் மெஹதி தரேமி கோலடித்து ஜுவென்டஸ் அணிக்கு அதிர்ச்சி கொடுத்தார். இதன்மூலம் முதல் பாதி ஆட்டநேர முடிவிலேயே எஃப்சி போர்டோ அணி 1-0 என்ற கோல் கணக்கில் முன்னிலைப் பெற்றது.