கோவாவில் நடைபெற்று வரும் ஐஎஸ்எல் கால்பந்துத் தொடரின் ஏழாவது சீசன் விறுவிறுப்புக்குப் பஞ்சமின்றி நடந்து வருகிறது. இதில் இன்று (டிச.02) நடைபெற்ற லீக் ஆட்டத்தில் ஹைத்ராபாத் எஃப்சி அணி - ஜாம்ஷெட்பூர் எஃப்சி அணியுடன் பலப்பரீட்சை நடத்தியது.
தொடக்கம் முதலே இரு அணி வீரர்களும் வலிமையான டிஃபென்ஸ் ஆட்டத்தை வெளிப்படுத்தியதால், போட்டியில் பரபரப்பு தொற்றிக்கொண்டது. பின்னர் முதல் பாதி ஆட்டநேர முடிவு வரை இரு அணியும் கோலடிக்க தவறியதால், ஆட்டம் சமனிலையில் இருந்தது.
தொடர்ந்து நடைபெற்ற இரண்டாவது பாதி ஆட்டத்தில் சிறப்பாக செயல்பட்ட ஹைத்ராபாத் அணி சந்தானா ஆட்டத்தின் 50ஆவது நிமிடத்தில் கோலடித்து அசத்தினார். தொடர்ந்து சிறப்பான ஆட்டத்தை வெளிப்படுத்தி வந்த ஹைத்ராபாத் அணி எதிரணியினரை கோலடிக்க விடாமால் தடுத்தது.