இங்கிலாந்தின் புகழ்பெற்ற கால்பந்து கிளப்களில் ஒன்று செல்சி எஃப்சி. இதுவறை ஆறுமுறை பிரீமியர் லீக் சாம்பியன் பட்டத்தை வென்றுள்ள செல்சி அணி, நடப்பு சீசன் பிரீமியர் லீக் தொடரில் மோசமான ஆட்டத்தை வெளிப்படுத்தி புள்ளிப்பட்டியலில் பத்தாவது இடத்திற்கு சென்றுள்ளது.
இதையடுத்து, செல்சி அணியின் தலைமைப் பயிற்சியாளராக செயல்பட்டு வந்த ஃபிராங்க் லம்பார்ட்டை அந்த அணி நிர்வாகம் அதிரடியாக நீக்கியது. மேலும் புதிய பயிற்சியாளரை விரைவில் அறிவிப்போம் என்று தெரிவித்திருந்தது. இந்நிலையில், செல்சி அணியின் தலைமைப் பயிற்சியாளராக ஜெர்மனியைச் சேர்ந்த கால்பந்து பயிற்சியாளர் தாமஸ் டச்செல் நியமிக்கப்பட்டுள்ளார்.