சாம்பியன்ஸ் லீக்: மெஸ்ஸியை தோற்கடித்த ரொனால்டோ

பார்சிலோனா: UEFA சாம்பியன்ஸ் லீக் கால்பந்து தொடரில் பார்சிலோனா அணியை 3-0 என்ற கணக்கில் யுவண்டஸ் அணி வீழ்த்தியது.

ஐரோப்பிய கால்பந்து சங்கங்களின் கூட்டமைப்பு ஒருங்கிணைந்து நடத்தி வரும் UEFA சாம்பியன்ஸ் லீக் கால்பந்து தொடரில் இன்று நடைபெற்ற லீக் ஆட்டத்தில் கால்பந்தாட்ட உலகின் சூப்பர் ஸ்டார்களான அர்ஜென்டினாவின் மெஸ்ஸியும், போர்ச்சுகீஸின் ரொனால்டோவும் நேருக்கு நேர் மோதினர்.

பார்சிலோனா அணிக்காக மெஸ்ஸியும், யுவண்டஸ் அணிக்காக ரொனால்டோவும் விளையாடினார்கள். இரு அணிகளும் UEFA சாம்பியன்ஸ் லீக் கால்பந்து தொடரின் குரூப் ஜி-யில் இடம் பெற்றுள்ளன. ஜூவாண்டஸ் அணி சார்பாக ரொனால்டோ, மெஸ்ஸி உடன் மோதுவது இது முதல் முறையாகும்.

இன்று நடைபெற்ற போட்டியில் 3-0 என்ற கணக்கில் யுவண்டஸ் அணி பார்சிலோனாவை வீழ்த்தியது. இந்த வெற்றியின் மூலம் 15 புள்ளிகளுடன் யுவண்டஸ் அணி குரூப் ஜி-யில் முதல் இடத்தை பிடித்துள்ளது.

மெஸ்ஸி

இந்த போட்டியில் 13ஆவது நிமிடத்தில் ஒரு கோலையும், 52 நிமிடத்தில் மற்றொரு கோலையும் அடித்து ரொனால்டோ ரசிகர்களை உற்சாகப்படுத்தினார்.

இறுதியில் 3-0 என்ற கணக்கில் பார்சிலோனா அணியை யுவண்டஸ் அணி வீழ்த்தியது.