டி20 உலகக் கோப்பை: ஒரு ரன் வித்தியாசத்தில் பாகிஸ்தானை வீழ்த்தியது ஜிம்பாவே

டி20 உலகக் கோப்பை கிரிக்கெட் தொடரில், பாகிஸ்தானை ஒரு ரன் வித்தியாசத்தில் வீழ்த்தி ஜிம்பாவே த்ரில் வெற்றி பெற்றது.

டி20 உலகக் கோப்பை கிரிக்கெட் தொடர் ஆஸ்திரேலியாவில் நடைபெற்று வருகிறது. இதன் நேற்றைய (அக் 27) ஆட்டத்தில் பாகிஸ்தான் - ஜிம்பாவே அணிகள் மோதின. பெர்த் ஸ்டேடியத்தில் நடைபெற்ற இந்த ஆட்டத்தில் டாஸ் வென்ற ஜிம்பாவே அணி பேட்டிங்கை தேர்வு செய்தது.

இதனையடுத்து களமிறங்கிய கிரைக் எர்வின் தலைமையிலான ஜிம்பாவே அணி 20 ஓவர் முடிவில் 8 விக்கெட்டுகளுடன் 130 ரன்களை எடுத்தது. இதில் அதிகபட்சமாக சென் வில்லியம்ஸ் 31 ரன்கள் எடுத்தார். மேலும் பாகிஸ்தான் அணியின் முகம்மது வாஷிம் 4 விக்கெட்டுகளை கைப்பற்றினார்.

இதனைத்தொடர்ந்து பேட்டிங்கில் களமிறங்கிய பாபர் அஸாம் தலைமையிலான பாகிஸ்தான் அணி, 20 ஓவர் முடிவில் 8 விக்கெட்டுகள் இழப்பிற்கு 129 ரன்கள் எடுத்தது. இதில் அதிகபட்சமாக ஷான் மசூத் 44 ரன்கள் எடுத்திருந்தார். அதேபோல் ஜிம்பாவே அணியின் ஷிகாந்தர் 3 விக்கெட்டுகளை கைப்பற்றினார்.

இதனால் ஒரு ரன் வித்தியாசத்தில் பாகிஸ்தானை வீழ்த்தி ஜிம்பாவே அணி த்ரில் வெற்றியை பதிவு செய்தது.

இதையும் படிங்க:ஐசிசி தரவரிசையில் இரண்டாவது இடத்தை தக்கவைத்த சூர்யகுமார் யாதவ்