டி20 உலகக்கோப்பை போட்டி ஆஸ்திரேலியாவில் நடைபெற்று வருகிறது. இதன் நேற்றைய சூப்பர் 12 போட்டியில், இந்தியா - வங்க தேச அணியுடன் மோதியது. இந்த ஆட்டத்தின் முடிவில், 5 ரன்கள் வித்தியாசத்தில் இந்திய அணி வென்றது. இதில் இந்திய கிரிக்கெட் அணியின் முன்னாள் கேப்டன் விராட் கோலி, 44 பந்துகளில் 64 ரன்கள் எடுத்து ஆட்டமிழக்காமல் இருந்தார்.
மேலும் விராட் கோலி இந்த ஆட்டத்தில் 8 பவுண்டரிகள் மற்றும் ஒரு சிக்ஸர் விளாசி இருந்தார். டி20 உலகக்கோப்பையில் 25 போட்டிகளில் ஆடியுள்ள கோலி 1,065 ரன்கள் எடுத்துள்ளார். இதன் மூலம் 31 போட்டிகளில் ஆடிய இலங்கை கிரிக்கெட் அணியின் ஜாம்பவன் ஜெயவர்த்தனேவின் சாதனையை (1,016 ரன்கள்) முறியடித்துள்ளார்.