மும்பை: இந்திய அணியின் முன்னாள் வீரரான சச்சின் டெண்டுல்கர், ஆன்லைன் கேம் ஆப்பை விளம்பரப்படுத்துவது போன்ற சித்தரிக்கப்பட்ட வீடியோ ஒன்று சமூக வலைதளத்தில் வைரலானது. அதில் "பணம் சம்பாதிப்பது இவ்வளவு எளிது என்ற எனக்கு தெரியாமல் போய்விட்டது. எனது மகளே இந்த கேம் ஆப்பை பயன்படுத்தி வருகிறார்" என கூறப்பட்டு உள்ளது.
இந்த நிலையில், தனக்கும் அந்த வீடியோவுக்கும் எவ்வித தொடர்பும் இல்லை. அது முழுமையாக சித்தரிக்கப்பட்ட வீடியோவாகும் என தனது எக்ஸ் பக்கத்தில் சச்சின் டெண்டுல்கர் தெரிவித்துள்ளார். இது குறித்து அதில் அவர் கூறியதாவது, "அந்த வீடியோக்கள் போலியானவை. தொழில்நுட்பத்தை தவறாக பயன்படுத்துவதை பார்க்கும் போது கவலையாக உள்ளது. இது போன்ற போலியான வீடியோக்கள் மற்றும் விளம்பரங்கள் குறித்து அதிக எண்ணிக்கையில் புகாரளிக்குமாறு அனைவரையும் கேட்டுக்கொள்கிறேன்.