ஐபிஎல் தொடரில், கடந்த மூன்று சீசன்களாக பஞ்சாப் கிங்ஸ் அணி பிளே ஆஃப் சுற்றுக்கு தகுதி பெறாததால் அந்த அணியின் பயிற்சியாளராக செயல்பட்டு வந்த முன்னாள் இந்திய வீரர் அனில் கும்ளே நீக்கப்பட்டார்.
இதையடுத்து இங்கிலாந்து அணிக்கு பயிற்சியாளர் பொறுப்பு வகித்து வந்த டிரெவர் பெய்லிஸை புதிய பயிற்சியாளராக பஞ்சாப் கிங்ஸ் அணி நியமித்து உள்ளது. டிரெவர் பெய்லிஸ் இதற்கு முன்னதாக கொல்கத்தா நைட் அணிக்கு பயிற்சியாளராகவும் , சன்ரைசர்ஸ் ஐதராபாத் அணிக்கு பயிற்சியாளராகவும் ஐபிஎல் தொடரில் பங்கெடுத்துள்ளார்.
அவரது தலைமையில் கொல்கத்தா அணி 2012 மற்றும் 2014 சீசன்களில் மகுடம் சூடியது. 2019ல் இங்கிலாந்து அணி 50 ஓவர் உலக கோப்பை வென்றதும் இவரது தலைமையில் தான். அனுபவத்தின் அடிப்படையில் பஞ்சாப் அணி இவரை பயிற்சியாளராக நியமித்துள்ளது.