மனுகா ஓவெல் : ஆஸ்திரேலியா சுற்றுப்பயணம் மேற்கொண்டு உள்ள பாகிஸ்தான் அணி 3 போட்டி கொண்ட டெஸ்ட் தொடரில் விளையாட உள்ளது. இவ்விரு அணிகளுக்கு இடையிலான முதலாவது டெஸ்ட் கிரிக்கெட் போட்டி வரும் டிசம்பர் 14ஆம் தேதி பெர்த் மைதானத்தில் தொடங்குகிறது.
இந்நிலையில், முதலாவது டெஸ்ட் கிரிக்கெட் போட்டிக்கு முன்னதாக பாகிஸ்தான், பிரதமர் லெவன் அணிகள் இடையே பயிற்சி ஆட்டம் நடைபெற்று வருகிறது. இதில் பாகிஸ்தான் அணி முதலில் விளையாடி வருகிறது. பாகிஸ்தான் வீரர் ஷான் மசூத் பந்தை அடித்து விட்டு ஒரு ரன்னுக்காக பாபர் அசாமை அழைத்தார்.
அதேநேரம் தான் என்ன செய்து கொண்டு இருக்கிறோம் என்பதை ஒரு நொடி மறந்து மூளை மங்கிய நிலையில் இருந்த பாபர் அசாம் தன்னை நோக்கி வந்த பந்தை கையால் தட்டி விட முயற்சித்தார். சட்டென சுதாரித்துக் கொண்ட பாபர் அசாம், தற்போது விக்கெட் கீப்பர் செய்யவில்லை விளையாடிக் கொண்டு இருக்கிறோம் என்பதை உணர்ந்து ரன் ஓடத் தொடங்கினார்.