காயம் காரணமாக டெஸ்ட் தொடரில் இருந்து கே.எல்.ராகுல் விலகல்

நியூசிலாந்துக்கு எதிரான டெஸ்ட் தொடரில் இந்திய கிரிக்கெட் அணியின் தொடக்க வீரர் கே.எல்.ராகுல் காயம் காரணமாக விலகியுள்ளார்.

இந்திய மண்ணில் சுற்றுப்பயணம் செய்யும் நியூசிலாந்து அணி 3 போட்டிகள் கொண்ட டி20 தொடரில் விளையாடியது. இந்த மூன்று போட்டிகளிலும் நியூசிலாந்து அணி தோல்வியை தழுவியது.

இதையடுத்து நியூசிலாந்து - இந்தியா மோதும் முதல் டெஸ்ட் கான்பூரில் நவம்பர் 25ஆம் தேதி தொடங்குகிறது. இந்திய கிரிக்கெட் அணியின் தொடக்க வீரர் கே.எல்.ராகுல் இடது தொடையில் தசைப்பிடிப்பு காரணமாக இரண்டு டெஸ்டிலிருந்து விலகியுள்ளதாக பிசிசிஐ இன்று (நவம்பர் 23) தெரிவித்துள்ளது.

கே.ராகுலுக்கு பதிலாக சூர்யகுமார் யாதவ் இந்திய டெஸ்ட் அணியில் சேர்க்கப்பட்டுள்ளார். இந்த மாற்றம் காரணமாக டெஸ்ட் தொடரில் மயங்க் அகர்வாலும், ஷுப்மன் கில்லும் தொடக்க வீரர்களாக களமிறங்குவார்கள் என எதிர்பார்க்கப்படுகிறது.