மகாராஷ்டிராவில் ஐபிஎல் தொடரின் 15ஆவது சீசன் நடந்து வருகிறது. மொத்தம் 70 லீக் ஆட்டங்கள் நடைபெறுகின்றன. இதுவரை ஆறு லீக் ஆட்டங்கள் முடிந்துள்ளன. இன்று (மார்ச் 31) ஏழாவது லீக் ஆட்டம் மும்பையின் பிரபோர்ன் மைதானத்தில் இரவு 7.30 மணிக்கு தொடங்குகிறது.
இதில் சென்னை சூப்பர் கிங்ஸ்-லக்னோ சூப்பர் ஜெயன்ட்ஸ் அணிகள் பலபரீட்சை நடத்துகின்றன. போட்டியை ஸ்டார் ஸ்போர்ட்ஸ் மற்றும் டிஸ்னி + ஹாட்ஸ்டாரில் காணலாம். இரு அணிகளும் தனது முதலாவது ஆட்டத்தில் தோல்வியை தழுவிய நிலையில் இன்றைய ஆட்டத்தில் வெற்றியை பதிவு செய்யுமா என்னும் எதிர்ப்பார்ப்பு கிளம்பியுள்ளது.