டெல்லி கேபிடல்ஸ் அணியை முந்தைய போட்டியில் ராஜஸ்தான் ராயல்ஸ் அணி 3 விக்கெட் வித்தியாசத்தில் வென்றது.
148 ரன்கள் என மிகவும் குறைவான இலக்கை நிர்ணயித்தபோதிலும், 50 ரன்களுக்கு 5 விக்கெட்டுகளை வீழ்த்தி ராஜஸ்தான் ராயல்ஸ் டாப் ஆர்டரை காலி செய்தது டெல்லி கேபிடல்ஸ்.
இருப்பினும் மில்லரின் பொறுப்பான ஆட்டத்துக்கு எதிராக எந்த வியூகமும் அமைக்க முடியாமல் தவித்தது டெல்லி. இதன் மூலம் ராஜஸ்தான் வெற்றியடைந்தது.
தொடக்கத்தை நன்றாக அமைத்து அதை சரியாக முடிக்க முடியாமல் ஏமாற்றம் அடைந்த டெல்லி அணி, இந்தப் போட்டியில் மீண்டும் வெற்றிப் பாதைக்கு செல்வதற்கு தகுந்து வியூகங்களுடன் களமிறங்கும் என எதிர்பார்க்கப்படுகிறது.
டெல்லி அணியின் நட்சத்திர பந்து வீச்சாளரான அன்ரிச் ரோட்ஜே கரோனா தொற்றுக்கு பாதிப்புக்குள்ளான நிலையில்,தற்போது குணமாகி முழு உடற்தகுதியுடன் உள்ளார். எனவே அவர் களமிறக்கப்பட்டால் அணியின் பவுலிங் பலம் கூடுதலாக வாய்ப்பு உள்ளது.