டெல்லி: ஐபிஎல் 2023 போட்டியின், இன்றைய 40வது லீக் ஆட்டத்தில் சன்ரைசர்ஸ் ஹைதராபாத் மற்றும் டெல்லி கேப்பிடல்ஸ் அணிகள் மோதுகின்றன. டெல்லியில் உள்ள அருண் ஜெய்ட்லி ஸ்டேடியத்தில் வைத்து நடைபெறும் இந்த ஆட்டத்தில் டாஸ் வென்ற ஹைதராபாத் அணியின் கேப்டன் மார்க்ரம், பேட்டிங்கை தேர்வு செய்தார்.
இதனையடுத்து பேட்டிங்கில் களம் இறங்கிய சன் ரைசர்ஸ் ஹைதராபாத் அணியின் அபிஷேக் ஷர்மா அரை சதம் கடந்து 67 ரன்களில் ஆட்டம் இழந்தார். மற்ற வீரர்கள் சொற்ப ரன்களில் ஆட்டம் இழக்க, விக்கெட் கீப்பர் கிளாசென் அரை சதம் கடந்து 53 ரன்கள் எடுத்த நிலையில் ஆட்டம் இழக்காமல் இருந்தார்.
அதேநேரம், டெல்லி கேப்பிடல்ஸ் அணியின் மிட்செல் மார்ஷ் அதிரடியாக விளையாடி 4 விக்கெட்டுகளை கைப்பற்றினார். இதனையடுத்து இன்னிங்ஸின் முடிவில் சன் ரைசர்ஸ் ஹைதராபாத் அணி 20 ஓவர்கள் முடிவில் 6 விக்கெட்டுகள் இழப்பிற்கு 197 ரன்கள் எடுத்தது.
இதனைத் தொடர்ந்து 198 ரன்கள் என்ற வெற்றி இலக்குடன் களமாடி வரும் டெல்லி கேப்பிடல்ஸ் அணியின் மிட்செல் மார்ஷ் மற்றும் பில் சால்ட் ஆகிய இரண்டு வீரர்களும் அரை சதம் கடந்து 63 மற்றும் 59 ரன்களில் ஆட்டம் இழந்தனர். அதேநேரம் சன் ரைசர்ஸ் ஹைதராபாத் அணியின் மயங்க் மார்கண்டே 2 விக்கெட்டுகளை வீழ்த்தி உள்ளார். இதனால், இது வரையிலான ஆட்டத்தின் 16 ஓவர்கள் முடிவில் 5 விக்கெட்டுகள் இழப்பிற்கு 141 ரன்கள் உடன் டெல்லி கேப்பிடல்ஸ் போராடி வருகிறது.
சன்ரைசர்ஸ் அணி:மயங்க் அகர்வால், அபிஷேக் சர்மா, ராகுல் திரிபாதி, மார்க்ரம், கிளாசென், ஹாரி ப்ரூக், அப்துல் சமத், மயங்க் மார்க்கண்டே, புவனேஷ்வர் குமார், அகீல் ஹூசைன், உம்ரான் மாலிக்.
டெல்லி அணி:டேவிட் வார்னர், பில் சால்ட், மிட்செல் மார்ஷ், மணீஷ் பாண்டே, அக்சர் படேல், பிரியம் கார்க், ரிப்பன் படேல், குல்தீப் யாதவ், ஆன்ரிச் நார்ட்ஜே, இஷாந்த் சர்மா, முகேஷ் குமார்.
இதையும் படிங்க:KKR vs GT:விஜய் சங்கர் அதிரடி- 7 விக்கெட் வித்தியாசத்தில் குஜராத் அபார வெற்றி!
