மும்பை:15ஆவது ஐபிஎல் சீசன் கடந்த மார்ச் 28ஆம் தேதி தொடங்கிய நிலையில், லீக் போட்டிகள் விறுவிறுப்பாக நடைபெற்றுவருகின்றன. இன்று (ஏப். 17) இரண்டு லீக் போட்டிகள் நடக்கின்றன. முதல் போட்டியில் பஞ்சாப் கிங்ஸ் அணியும், சன்ரைசர்ஸ் ஹைதராபாத் அணியும் மோதுகின்றன.
இந்த போட்டி நவி மும்பையில் உள்ள டி.ஒய். பாட்டீல் மைதானத்தில் நடக்கிறது. முதலில் டாஸ் வென்ற ஹைதராபாத் அணியின் கேப்டன் கேன் வில்லியம்சன் பந்துவீச்சை தேர்வு செய்தார். இன்றைய போட்டியில் பஞ்சாப் கிங்ஸ் அணியின் கேப்டன் மயாங்க அகர்வால் காயம் காரணமாக பங்கேற்கவில்லை.
அவருக்கு பதிலாக ஷிகர் தவான் கேப்டனாக செயல்படுகிறார். இரவு 7:30 மணிக்கு நடக்கும் போட்டியில், சென்னை சூப்பர் கிங்ஸ் - குஜராத் டைட்டன்ஸ் அணிகள் மோதுகின்றன. இந்த போட்டி, புனேவில் உள்ள எம்சிஏ மைதானத்தில் தொடங்குகிறது.
பஞ்சாப் கிங்ஸ்:ஷிகர் தவான் (கேப்டன்), ஜானி பேர்ஸ்டோவ், பிரப்சிம்ரன் சிங், லியாம் லிவிங்ஸ்டோன், ஜிதேஷ் சர்மா (விக்கெட் கீப்பர்), ஷாருக் கான், ஒடியன் ஸ்மித், வைபவ் அரோரா, அர்ஷ்தீப் சிங், ககிசோ ரபாடா, ராகுல் சஹார்.
சன்ரைசர்ஸ் ஹைதராபாத்: கேன் வில்லியம்சன் (கேப்டன்), அபிஷேக் சர்மா, ராகுல் திரிபாதி, ஐடன் மார்க்ரம், நிக்கோலஸ் பூரன், ஷஷாங்க் சிங், ஜகதீசா சுசித், மார்கோ ஜான்சன், புவனேஷ்வர் குமார், உம்ரான் மாலிக், டி நடராஜன்.
