சார்ஜா:கரோனா காரணமாக பாதியில் ரத்துசெய்யப்பட்ட ஐபிஎல் 2021 சீசனின் இரண்டாம் கட்டப் போட்டிகள் கடந்த 19ஆம் தேதி ஐக்கிய அரபு அமீரகத்தில் தொடங்கின.
இத்தொடரின் 44ஆவது லீக் ஆட்டத்தில் கேன் வில்லியம்சன் தலைமையிலான சன்ரைசர்ஸ் ஹைதராபாத் அணி, எம்.எஸ்.தோனி தலைமையிலான சென்னை சூப்பர் கிங்ஸ் அணியுடன் இன்று (செப். 30) மோதுகிறது.
சாம் கரன் அவுட்
சார்ஜாவில் நடைபெறும் இப்போட்டியில் டாஸ் வென்ற சென்னை அணி, ஹைதராபாத் அணியை பேட்டிங் செய்ய அழைத்துள்ளது. ஹைதராபாத் அணியில் எந்த மாற்றமும் செய்யப்படாத நிலையில், சென்னை அணியில் சாம் கரன் நீக்கப்பட்டு பிராவோ சேர்க்கப்பட்டுள்ளார்.
சென்னை சூப்பர் கிங்ஸ்: எம்.எஸ். தோனி (கேப்டன்), ஃபாப் டூ ப்ளேசிஸ், ரூதுராஜ் கெய்க்வாட், அம்பதி ராயுடு, சுரேஷ் ரெய்னா, மொயின் அலி, ரவிந்திர ஜடேஜா, டுவைன் பிராவோ, தீபக் சஹார், ஷர்துல் தாக்கூர், ஜோஷ் ஹசில்வுட்.
சன்ரைசர்ஸ் ஹைதராபாத்: ஜேசன் ராய், விருத்திமான் சாஹா, கேன் வில்லியம்சன், ப்ரியம் கர்க், அபிஷேக் சர்மா, ஜசான் ஹோல்டர், அப்துல் சமத், ரஷித் கான், புவனேஷ்வர் குமார், சந்தீப் சர்மா, சித்தார்த் கவுல்.