சென்னை: ஐபிஎல் தொடரில் இன்று (ஏப்.18) இரண்டு லீக் ஆட்டங்கள் நடைபெறுகின்றன. முதல் ஆட்டத்தில் ராயல் சேலஞ்சர்ஸ் பெங்களூர் அணி, கொல்கத்தா நைட் ரைடர்ஸ் அணியை எதிர்கொள்கிறது. இப்போட்டி சென்னை எம்.ஏ.சிதம்பரம் மைதானத்தில் இன்று மாலை 3.30 மணிக்கு தொடங்குகிறது.
மற்றொரு போட்டியில், டெல்லி கேப்பிடல்ஸ் அணியும் பஞ்சாப் கிங்ஸ் அணியும் மும்பை வான்கடே மைதானத்தில் மோதுகின்றன. இப்போட்டியானது இரவு 7.30 மணிக்கு தொடங்கும்.
சென்னை எம்.ஏ.சிதம்பரம் மைதானத்தில் நடைபெறும் பத்தாவது லீக் ஆட்டத்தில், டாஸ் வென்ற ராயல் சேலஞ்சர்ஸ் பெங்களூரு அணி முதலில் பேட்டிங் செய்ய முடிவெடுத்துள்ளது.
பெங்களூரு அணியில் டேனியல் கிறிஸ்டியன் நீக்கப்பட்டு ராஜத் பட்டீதர் சேர்க்கப்பட்டுள்ளார். கொல்கத்தா அணியில் எந்த மாற்றமும் செய்யப்படவில்லை.