ஐபிஎல் 2020 தொடரில் லீக் போட்டி துபாயில் நேற்று நடைபெற்றது. இதில், புள்ளிகள் பட்டியலில் ஏழாம் இடத்தில் உள்ள டேவிட் வார்னர் தலைமையிலான சன்ரைசர்ஸ் ஐதராபாத் அணியும், புள்ளிகள் பட்டியலில் இரண்டாவது இடத்தில் உள்ள ஸ்ரேயாஸ் ஐயர் தலைமையிலான டெல்லி கேப்பிடல்ஸ் அணியும் மோதின.
இதில், முதலில் பேட்டிங் செய்த சன்ரைசர்ஸ் ஐதராபாத் அணியின் தொடக்க வீரர்களான வார்னரும் சஹாவும் முதல் 10 ஓவர்களில் 107 ரன்கள் குவித்து வெற்றிக்கு அடித்தளம் அமைத்தனர். இறுதியில் அந்த அணி 20 ஒவர்களில் 219/2 ரன்களை குவித்தது. இதனையடுத்து 220 ரன்கள் வெற்றி இலக்குடன் களம் இறங்கிய டெல்லி கேப்பிடல்ஸ் அணி 131 ரன்கள் மட்டுமே எடுத்து தோல்வி அடைந்தது. இதன்மூலம் டெல்லி அணி இந்த சீசனில் தொடர்ச்சியாக மூன்றாவது தோல்வியை சந்தித்து.