“சாம் கர்ரன் ஒரு முழுமையான கிரிக்கெட் வீரர்” - தோனி!

சாம் கர்ரன் சென்னை சூப்பர் கிங்ஸ் அணிக்கு கிடைத்த ஒரு முழுமையான கிரிக்கெட் வீரர் என சிஎஸ்கே கேப்டன் மகேந்திர சிங் தோனி தெரிவித்துள்ளார்.

ஹைதராபாத் அணிக்கு எதிரான போட்டியில் சென்னை சூப்பர் கிங்ஸ் 20 ரன்கள் வித்தியாசத்தில் வெற்றிபெற்றதால், பிளே ஆஃப் வாய்ப்பை தற்காத்துக் கொண்டுள்ளது. இப்போட்டியில் சிஎஸ்கே அணியின் தொடக்க வீரராக களமிறங்கிய சாம் கர்ரன் அதிரடியாக விளைடாடி 31 ரன்களை குவித்தார்.அதேபோல் பந்துவீச்சிலுல் சிறப்பாக செயல்பட்டு வார்னரின் விக்கெட்டையும் வீழ்த்தி அசத்தினார்.

இப்போட்டிக்கு பின் செய்தியாளர்களைச் சந்தித்த சிஎஸ்கே அணியின் கேப்டன் மகேந்திர சிங் தோனி, சாம் கர்ரன் சென்னை அணிக்கு கிடைத்த ஒரு முழுமையான கிரிக்கெட் வீரர் என்று தெரிவித்துள்ளார்.

இதுகுறித்து தோனி கூறுகையில், ‘சாம் கர்ரன் எங்களுக்கு கிடைத்த ஒரு முழுமையான கிரிக்கெட்டர். ஏனெனில் ஒவ்வொரு அணிக்கும் வேகப்பந்துவீச்சைக் கொண்டுள்ள ஆல்ரவுண்டர் மிகவும் அவசியம். அவர் பேட்டிங் மற்றும் பந்துவீச்சில் சிறப்பாக செயல்பட்டு வருகிறார்.

அவர் அதிரடி ஆட்டத்தை வெளிப்படுத்தி ரன்களை குவிப்பதால், அவருக்கு தேவையான இடத்தை நாங்கள் கொடுத்துள்ளோம். மேலும் இடது கை வேகப்பந்துவீச்சாளரான இவர் சென்னை அணிக்கு மிகப்பெரும் பலமாகவும் விளங்கிவருகிறார்’ என்று தெரிவித்தார்.

இதையும் படிங்க:ஐபிஎல் 2020: டாஸ் வென்ற டெல்லி அணி பேட்டிங்!