இந்தியாவின் ஐபிஎல் தொடரைப் பின்பற்றி இலங்கை கிரிக்கெட் வாரியம், அந்நாட்டில் லங்கா பிரீமியர் லீக் (எல்பிஎல்) என்ற உள்ளூர் டி20 தொடரை இந்தாண்டு முதல் நடத்தத் திட்டமிட்டுள்ளது.
வரும் 28ஆம் தேதி தொடங்கும் இந்தத் தொடரில், இந்திய கிரிக்கெட் அணியின் முன்னாள் வீரர் இர்ஃபான் பதான், கண்டி டஸ்கர்ஸ் அணிக்காக ஆட ஒப்பந்தம் செய்யப்பட்டுள்ளார்.
இது குறித்து அவர் பேசுகையில், ''டி20 லீக் தொடர்களில் உள்ள முக்கிய சிறப்பு என்னவென்றால் உள்ளூர் வீரர்கள் கண்டிப்பாக இடம்பெற வேண்டும் என்ற விதிதான். ஒரு கிரிக்கெட்டராக இளம் வீரர்களுக்கு ஆலோசனை வழங்க கடமைப்பட்டுள்ளேன். இளம் வீரர்களுக்கு ஓய்வறையில், அணி ஆலோசனைக் கூட்டத்தில் திட்டமிடுவதை எப்படி களத்தில் செயல்படுத்த வேண்டும் என்பது டி20 லீக் போட்டிகள் ஆடுவதன் மூலம் கற்றுக்கொள்கிறார்கள். இந்தப் பாடத்தினை வேறு எங்கும் கற்றுக்கொள்ள முடியாது.