நடிகை அனுஷ்கா சர்மா சர்ச்சை: கவாஸ்கர் விளக்கம்...!

விராட் கோலியின் மோசமான ஆட்டத்திற்கு அனுஷ்கா ஷர்மாவை கவாஸ்கர் குற்றம் சொன்னதாக எழுந்துள்ள சர்ச்சைக்கு சுனில் கவாஸ்கர் விளக்கம் அளித்துள்ளார்.

கிரிக்கெட் ஜாம்பவான் சுனில் கவாஸ்கர் வெள்ளிக்கிழமை நடைபெற்ற ஐபிஎல் போட்டியின்போது தனது வர்ணனையில் விராட் கோலி மற்றும் அவரது மனைவி நடிகை அனுஷ்கா சர்மா ஆகியோரைப் பற்றி தெரிவித்த கருத்துக்களுக்காக சர்ச்சையில் சிக்கியுள்ளார்.

ஐபிஎல் போட்டியில் வர்ணனை செய்துகொண்டிருந்த கவாஸ்கர், அனுஷ்கா சர்மா தனது கணவர் விராட் கோலிக்கு பந்து வீசிய வீடியோவைக் குறிப்பிட்டு, “சமீபத்தில் பொதுமுடக்கத்தின்போது அவர் அனுஷ்காவின் பந்துவீச்சுக்கு மட்டுமே பயிற்சி செய்த ஒரு வீடியோவைப் நான் பார்த்தேன். ஆனால், அது போதுமானதாக இருக்காது” என்று கூறினார்.

நடிகை அனுஷ்கா சர்மா

கவாஸ்கரின் கருத்துக்கு இன்ஸ்டாகிராமில் பதிலளித்த அனுஷ்கா சர்மா, “கவாஸ்கர் உங்கள் கருத்து வெறுக்கத்தக்கது என்பது உண்மை. கணவரின் விளையாட்டுக்காக மனைவி மீது குற்றஞ்சாட்டுகிற இத்தகைய கடுமையான கருத்தை நீங்கள் தெரிவிக்க நினைத்தது ஏன்? இதைப் பற்றி நான் விளக்க விரும்புகிறேன். விளையாட்டில் கருத்து தெரிவிக்கும்போது, ஒவ்வொரு கிரிக்கெட் வீரரின் தனிப்பட்ட வாழ்க்கையை நீங்கள் மதிக்கிறீர்கள் என்று நான் நம்புகிறேன்” என்று தெரிவித்துள்ளார்.

விராட் கோலி, அனுஷ்கா சர்மா

இதற்கு பதிலளித்துள்ள சுனில் கவாஸ்கர், '' நான் அனுஷ்காவை குறை சொல்லவில்லை. நான் பார்த்த வீடியோவை வைத்து கருத்து மட்டுமே கூறியுள்ளேன். ஊரடங்கின்போது அனுஷ்காவோடு மட்டும்தான் விராட் ஆடியுள்ளார். அதை மட்டும்தான் கூறினேன். இதில் அனுஷ்காவை எங்கே குறைக் கூறியுள்ளேன். விராட் கோலியின் தவறுகளுக்கு நான் அனுஷ்காவைக் குறை கூறவில்லை.

விராட் கோலி தனது பயிற்சிகளை அதிகரிக்க வேண்டும் என்றுதான் கூறியுள்ளேன். மற்ற வேலைகளைப் போல் கிரிக்கெட் போட்டிகள் முடிந்தவுடன் வீட்டிற்கு சென்று மனைவியுடன் நேரம் செலவழிக்கலாமே. கிரிக்கெட் மைதானங்களுக்கு ஏன் அழைத்துச் செல்ல வேண்டும் என தன் கருத்தை கவாஸ்கர் ஆதரித்துள்ளார்.

இதையும் படிங்க:பதற்றத்தை விடவும் உற்சாகமாக இருந்தேன்: இளம் வீரர் ரவி பிஷ்னோய்!