விறுவிறுப்புக்கு பஞ்சமின்றி நடைபெற்று வரும் ஐபிஎல் தொடரின் 13ஆவது சீசன் தற்போது இறுதி கட்டத்தை எட்டியுள்ளது. இதில் இன்று (அக்.19) நடைபெறும் 37ஆவது லீக் ஆட்டத்தில் தோனி தலைமையிலான சென்னை சூப்பர் கிங்ஸ் அணி, ஸ்மித் தலைமையிலான ராஜஸ்தான் ராயல்ஸ் அணியை எதிர்கொள்கிறது.
அபுதாபியிலுள்ள ஷேக் ஸாயித் சர்வதேச கிரிக்கெட் மைதானத்தில் நடைபெறும் இப்போட்டியில் டாஸ் வென்ற சிஎஸ்கே அணி, முதலில் பேட்டிங் செய்ய தீர்மானித்துள்ளது.
இன்றைய ஆட்டத்தில் வெற்றி பெற்றால் மட்டுமே இரு அணிகளாலும் ஐபிஎல் பிளே ஆஃப் சுற்றுக்கான வாய்ப்பை தக்கவைக்க முடியும் என்பதால், இன்றைய ஆட்டத்தின் மீதான எதிர்பார்ப்பு அதிகரித்துள்ளது.