இன்றைய ஐபிஎல் போட்டியில் ஹைதராபாத் - மும்பை அணிகள் மோதுகின்றன. இதில் டாஸ் வென்ற ஹைதராபத் அணி கேப்டன் புவனேஷ்வர் குமார், பந்துவீச்சைத் தேர்வு செய்தார்.
இதுவரை நான்கு போட்டிகளில் விளையாடியுள்ள மும்பை அணி, இரண்டு வெற்றி, இரண்டு தோல்விகளுடன் விளையாடி வருகிறது. கடந்தப் போட்டியில் சென்னை அணியை வீழ்த்தியுள்ளதால் இந்த போட்டியிலும் சிறப்பான ஆட்டத்தை வெளிப்படுத்தும் என எதிர்பார்க்கப்படுகிறது. வார்னர் - பெயர்ஸ்டோவ் இணையை பும்ரா, பெஹ்ரண்டாஃப் கூட்டணி எவ்வாறு சமாளிக்கபோகிறது என்பதை ரசிகர்கள் எதிர்பார்த்துள்ளனர்.
அதேபோல், ஹைதராபாத் அணி சொந்த மண்ணில் களமிறங்குவதால் மிகச்சிறந்த ஆட்டத்தை வெளிப்படுத்தும் என்பதில் எவ்வித சந்தேகமும் இல்லை. மிரட்டலான பேட்டிங் வரிசைக்கும் சிறப்பான பந்துவீச்சுக்கும் இடையேயானப் போட்டி ரசிகர்களிடையே மிகப்பெரிய ஆவலை ஏற்படுத்தியுள்ளது.