12ஆவது சீசனுக்கான ஐபிஎல் தொடரின் 45ஆவது லீக் போட்டியில் ராஜஸ்தான்-ஹைதராபாத் அணிகள் மோதுகின்றன. தற்போது ஐபிஎல் தொடர் பரபரப்பான கட்டத்தை எட்டியுள்ள நிலையில், ப்ளே-ஆஃப் சுற்றுக்கு தகுதிபெறும் வாய்ப்பு அனைத்து அணிகளுக்கும் ஏற்பட்டுள்ளது. தொடரின் தொடக்கத்தில் சிறப்பாக ஆடிய அணிகள் இப்போது சொதப்பியும், சொதப்பிய அணிகள் சிறப்பாக ஆடியும் வருகின்றன.
தொடரை சிறப்பாகத் தொடங்கிய ஹைதராபாத் அணி, அடுத்தடுத்த தோல்விகளால் துவண்டுபோய் உள்ளது. அதேபோல் தொடரின் ஆரம்பத்தில் 6 போட்டிகளில் ஒன்றில் மட்டுமே வெற்றி பெற்ற ராஜஸ்தான அணி, தற்போது அடுத்ததடுத்த வெற்றிகளால் ப்ளே-ஆஃப் சுற்றுக்கான வாய்ப்பை தக்க வைத்துள்ளது.
இன்றையப் போட்டியில் ராஜஸ்தான் அணி வெற்றிபெறும் பட்சத்தில், ஹைதராபாத் அணிக்கு புள்ளிப் பட்டியலில் பின்னடைவு ஏற்பட வாய்ப்புள்ளது. அதேபோல் இந்த ஆட்டத்தில் ராஜஸ்தான் அணி தோல்வியடைந்தால் தொடரிலிருந்து வெளியேரும் நிலை ஏற்படும்.