12ஆவது சீசனுக்கான ஐபிஎல் தொடரின் 42ஆவது லீக் போட்டியில் பெங்களூரு - பஞ்சாப் அணிகள் விளையாடுகின்றன. புள்ளிப்பட்டியலில் ஐந்தாவது இடத்தில் இருக்கும் பஞ்சாப் அணி இந்தப் போட்டியில் வெற்றிபெற்று முதல் நான்கு இடங்களுக்குள் செல்ல வேண்டும் என்ற முனைப்புடன் களமிறங்குகிறது.
பெங்களூரு அணியைப் பொறுத்தவரையில் கடைசி இரண்டு போட்டிகளில் வெற்றிபெற்று சிறப்பான ஆட்டத்தை வெளிப்படுத்திவருகிறது. கோலி, டி வில்லியர்ஸ், மொயின் அலி, ஸ்டோனிஸ், பார்திவ் படேல் ஆகியோர் சிறப்பாக ஆடிவருகின்றனர். ஸ்டெயின், நெகி, உமேஷ் யாதவ், சாஹல் ஆகியோர் பந்துவீச்சில் பலமளிக்கின்றனர்.
பஞ்சாப் அணியில் கெய்ல், ராகுல், அகர்வால், மில்லர், மன்தீப் சிங் ஆகியோர் பேட்டிங்கில் அபாரமான ஃபார்மை தொடர்ந்தால் பெங்களூரு அணிக்கு மிகப்பெரிய அச்சுறுத்தலை ஏற்படுத்தலாம். பந்துவீச்சில் கேப்டன் அஸ்வின், முருகன் அஸ்வின், ஷமி, வில்ஜோயன் ஆகியோர் சிறப்பாக செயல்படுகின்றனர்.