ஐபிஎல் தொடரின் 12ஆவது சீசன் இன்று சென்னையில் இன்று தொடங்கியது. இதில், நடப்பு சாம்பியன் சென்னை சூப்பர் கிங்ஸ், ராயல் சேலஞ்சர்ஸ் அணியை எதிர் கொள்கிறது. இதில், டாஸ் வென்ற சென்னை அணியின் கேப்டன் தல தோனி முதலில் பந்துவீச தீர்மானித்தார். இந்தப் போட்டியின் மூலம் பெங்களூரு அணி வீரர் ஹெட்மயர் ஐபிஎல் கிரிக்கெட்டில் தனது முதல் போட்டியில் அறிமுகமாகிறார்.
இரு அணிகளிலும் தலைசிறந்த வீரர்கள் இடம்பெற்றுள்ளதால், இந்தப் போட்டியைக் காண ரசிகர்கள் மிகவும் ஆவலில் உள்ளனர்.
சென்னை அணி விவரம்:தோனி (கேப்டன்), சுரேஷ் ரெய்னா, ஜடேஜா, வாட்சன், பிராவோ, ஹர்பஜன் சிங், அம்பதி ராயுடு, கேதர் ஜாதவ், ஷர்துல் தாக்குர், இம்ரான் தாஹிர், தீபக் சஹார்.சென்னை அணியில் வழக்கத்திற்கு மாறாக நான்கு வெளிநாட்டு வீரர்களுக்கு பதிலாக மூன்று வீரர்கள் மட்டுமே அணியில் உள்ளது ஆச்சரியத்தில் ஆழ்த்தியுள்ளது.
பெங்களூரு அணி விவரம்:கோலி (கேப்டன்), பார்திப் படேல், மொயின் அலி, டிவில்லியர்ஸ், ஷிவம் துபே, காலின் டி கிராண்ட்ஹோம், உமேஷ் யாதவ், சஹால், முகமது சீராஜ், நவ்தீப் சைனி, ஹெட்மயர்.
