ஐபிஎல் கிரிக்கெட் தொடரின் 37ஆவது போட்டி டெல்லி பெரோஷ் ஷா கோட்லா மைதானத்தில் நடைபெறுகிறது. இந்தப் போட்டியில் டெல்லி கேபிட்டல்ஸ் அணியும் பஞ்சாப் அணியும் மோதுகின்றன. இந்நிலையில், டாஸ் வென்ற டெல்லி அணியின் கேப்டன் ஷ்ரேயாஸ் ஐயர் பந்துவீச்சைத் தேர்வு செய்தார். பின்னர் பேட்டிங் செய்த பஞ்சாப் அணி நிர்ணயிக்கப்பட்ட 20 ஓவர்களில் ஏழு விக்கெட்டுகளை இழந்து 163 ரன்களை எடுத்துள்ளது.
பஞ்சாப் அணியின் நட்சத்திர வீரரான கிறிஸ் கெயில் 37 பந்துகளில் அரைசதம் விளாசி 69 ரன்கள் எடுத்தார். ஆட்டத்தின் தொடக்க வீரரான கே.எல்.ராகுல் ஏமாற்றத்தை அளித்தார், மேலும் அவரைத்தொடர்ந்து வந்த மயங்க் அகர்வால், டேவிட் மில்லர் சொற்ப ரன்களில் ஆட்டமிழந்து பெவிலியன் திரும்பினர்.