கொல்கத்தா:மேற்கிந்தியத் தீவுகள் கிரிக்கெட் அணி இந்தியாவில் சுற்றுப்பயணம் மேற்கொண்டு விளையாடி வருகிறது. முன்னதாக இரண்டு அணிகளுக்கும் இடையிலான மூன்று ஒருநாள் போட்டி தொடர் நடைபெற்றது.
இந்த மூன்று போட்டிகளிலும் இந்திய அணி வென்று தொடரை முழுவதும் கைப்பற்றியது. இதையடுத்து இன்று(பிப்.16) முதல் மூன்று போட்டிகள் கொண்ட டி20 தொடர் நடைபெறுகிறது. இன்றைய போட்டி கொல்கத்தாவின் ஈடன் கார்டன் மைதானத்தில் நடைபெறுகிறது.
முதலாவதாக டாஸ் வென்ற இந்திய அணியின் கேப்டன் ரோகித் ஷர்மா பந்துவீச்சை தேர்வு செய்தார். ஒருநாள் தொடரை முழுவதும் மேற்கு இந்திய தீவுகள் கைவிட்டதால், இந்த தொடரை கைப்பற்ற அதிரடியான ஆட்டத்தை வெளிப்படுத்தும் என எதிர்பார்க்கப்படுகிறது.