ஐபிஎல் தொடரில் ஹைதராபாத் அணிக்காக பந்துவீசிய தமிழ்நாடு வீரர் நடராஜன் சர்வதேச அளவில் கவனம் ஈர்த்தார். இவரது யார்க்கர்ளை பார்த்து பிரெட் லீ, யுவராஜ் சிங், இர்ஃபான் பதான் என பல்வேறு முன்னாள் ஜாம்பவான் வீரர்களும் பாராட்டினர்.
இதனைத்தொடர்ந்து ஆஸ்திரேலியாவுக்கு எதிரான டி20 அணியில் தேர்வு செய்யப்பட்டிருந்த வருண் சக்கரவர்த்திக்கு காயமடைந்த நிலையில், அவருக்கு பதிலாக நடராஜன் தேர்வு செய்யப்பட்டார்.
ஐபிஎல் தொடர் முடிவடைந்ததைத் தொடர்ந்து இந்திய அணியுடன் ஆஸ்திரேலியாவுக்கு புறப்பட்ட நடராஜன், ப்ளூ ஜெர்சியில் வெளியிட்ட புகைப்படங்கள் அனைத்தும் சமூகவலைதளங்களில் ஹிட்டடித்தன. இந்நிலையில் இந்திய அணியின் வலைப் பயிற்சியில் நடராஜன் பந்துவீசும் வீடியோவை பிசிசிஐ வெளியிட்டுள்ளது.