அதானி நிறுவனத்திற்கு எதிராக சிட்னி மைதானத்தில் களமிறங்கிய போராட்டக்காரர்கள்...!

இன்று நடந்த ஆஸ்திரேலியா - இந்தியா அணிகளுக்கு இடையிலான போட்டியின்போது, ஆஸ்திரேலியா நிலக்கரி சுரங்கத்தை வெட்டி எடுப்பதற்கு எதிர்ப்பு தெரிவித்து, இந்திய தொழிலதிபர் அதானிக்கு எதிராக இரு போராட்டக்காரர்கள் மைதானத்திற்குள் புகுந்தனர்.

ஆஸ்திரேலியாவின் குயீன்ஸ்லாந்தில் உள்ள நிலக்கரி சுரங்கத்தை இந்திய தொழிலதிபரான அதானியின் நிறுவனம் சார்பாக வெட்டி எடுக்கப்பட்டு வருகிறது. இதனால் அதானிக்கு எதிராக ஆஸ்திரேலியாவில் பல்வேறு தரப்பினரும் கடுமையான போராட்டத்தில் ஈடுபட்டு வருகின்றனர்.

அதானியின் நிறுவனத்திற்கு ஆஸி. அரசு அனுமதி வழங்கியிருந்தாலும், அதனால் சுற்றுச்சூழலுக்கு பெரும் கெடு விளையும் என்று போராட்டக்காரகள் கூறுகின்றனர். இதனிடையே அதானி நிறுவனத்திற்கு பாரத ஸ்டேட் வங்கி சார்பாக 1 பில்லியன் டாலர் கடனாக வழங்கப்படவுள்ளது. இதற்கு ஸ்டாப் அதானி என்னும் போராட்டக் குழுவினர் பெரும் எதிர்ப்பு தெரிவித்து வருகின்றனர்.

இவர்களின் எதிர்ப்பை அனைத்து மக்களுக்கு தெரியப்படுத்தும்விதமாக இன்று சிட்னியில் நடந்த இந்தியா - ஆஸ்திரேலியா ஒருநாள் போட்டியின் போது, 1 பில்லியன் டாலரை அதானி நிறுவனத்திற்கு பாரத ஸ்டேட் வங்கி கடன் வழங்கக் கூடாது என்கிற பதாதைகளுடன் மைதானத்திற்குள் புகுந்தனர். இதனால் ஆட்டம் சில நிமிடங்கள் பாதிப்படைந்தது.

இதையும் படிங்க:ரசிகர்களின் உருக்கமான அஞ்சலியுடன் மரடோனாவின் உடல் நல்லடக்கம்!