சென்னை: ஐசிசி நடத்தும் 13ஆவது ஒருநாள் உலக கோப்பை வரும் அக்டோபர் 5ஆம் தேதி முதல் நவம்பர் 19ஆம் தேதி வரை இந்தியாவில் உள்ள 10 நகரங்களில் நடைபெறுகிறது. 50 ஒவர் உலக கோப்பையை இந்திய முழுவதுமாக நடத்துவது இதுவே முதல் முறையாகும். இதுவரை 1987, 1996, 2011 ஆகிய மூன்று முறையுமே இந்தியா மற்ற நாடுகளுடன் சேர்ந்து தான் நடத்தி இருக்கிறது.
இந்த தொடரில் நடப்பு சாம்பியானான இங்கிலாந்து, ஆஸ்திரேலியா, இந்தியா, பாகிஸ்தான், இலங்கை, நியூசிலாந்து, நெதர்லாந்து, வங்கதேசம் உள்ளிட்ட 10 அணிகள் கலந்து கொள்கின்றன.
2013 ஆண்டில் கைப்பற்றிய ஐசிசி சாம்பியன்ஸ் டிராபிக்கு பிறகு இந்தியா அணி கடந்த 10 ஆண்டுகளாக எவ்வித ஐசிசி கோப்பையை வெல்லாத இந்திய அணி இம்முறை சொந்த மண்ணில் நடப்பதால் கோப்பையை கைப்பற்ற வேண்டும் என்ற முனைப்புடன் இருக்கிறது. ஐசிசி உலக கோப்பை தொடர் நெருங்குவதால் ஒவ்வொரு அணியும் அதற்கு தயாராகி வருகின்றது.