Cricket World Cup 2023: உலக கோப்பை புகழ்பெற்ற அந்த 8 பேருடன் இணையப்போவது யார்?

உலக கோப்பையில் தொடர்களில் இதுவரை தொடர் நாயகன் விருதை பெற்ற வீரர்களை பற்றி இந்த தொகுப்பில் பார்க்கலாம்.

ஹைதராபாத்: உலக கோப்பை தொடங்கி 12 எடிசன்கள் முடிவடைந்த உள்ளது. ஒவ்வொறு எடிசனிலும் வெற்றி பெற்ற அணிகளில் குறிப்பிட்ட ஒரு வீரர் சிறப்பாக செயல்பட்டு இருப்பார். அது பேட்டராகவோ அல்லது பவுளராகவோ இருக்க கூடும். அதே சமயம் சில எடிசன்களில் கோப்பையை வெல்லாத அணிகளில் இருந்தும் சில வீரர்கள் சிறப்பாக விளையாடி இருப்பார்கள். உதாரணத்திற்கு 2003ம் ஆண்டு நடைபெற்ற உலக கோப்பையில் இந்திய அணியின் முன்னாள் வீரரான சச்சின் டெண்டுல்கர் அதிக ரன்கள் குவித்து தொடர் நாயகன் விருது பெற்று இருப்பார். ஆனால் அந்த தொடரில் வெற்றி பெற்றதோ ஆஸ்திரேலியா அணி.

இந்நிலையில், உலக கோப்பையின் 13வது தொடங்கி உள்ளது. இதில் பல முன்னனி வீரர்களுக்கு இந்த உலக கோப்பை கடைசியாக இருக்கும். அதே நேரம், இளம் வீரர்கள் பலர் அவர்களது திறமையை நிரூபிக்க வாய்ப்பு உள்ளது. உலக கோப்பை தொடர்களில் சிறப்பாக செயல்பட்டவர்கள் பற்றி பேசுகையில், 1992ம் ஆண்டு முதலே தொடர் நாயகனை தேர்ந்தேடுக்கும் முறை தொடங்கியது. அதனை பற்றியது தான் இந்த தொகுப்பு.

1992 உலகக் கோப்பை - மார்ட்டின் குரோவ்

1992ம் ஆண்டு உலக கோப்பை அஸ்திரேலியா மற்றும் நியூசிலாந்து இணைந்து நடத்தியது. இந்த தொடரின் இறுதி போட்டியில், இங்கிலாந்து அணியை வீழ்த்தி பாகிஸ்தான் அணி கோப்பையை கைப்பற்றியது. ஆனால் அந்த தொடரில் நியூசிலாந்து அணியின் முன்னாள் கேப்டன் மார்ட்டின் குரோவ் அதிக ரன்கள் அடித்து "தொடர் நாயகன்" விருதை தட்டி சென்று அனைவரையும் ஆச்சிரியத்தில் ஆழ்த்தினார்.

9 போட்டிகளில் விளையாடிய மார்ட்டின் குரோவ் 456 ரன்கள் குவித்தார். இதில் ஒரு சதம் மற்றும் 4 அரை சதங்கள் அடங்கும். உலக கோப்பை வரலாற்றில் தொடர் நாயகனாக தேர்வான ஒரே கேப்டன் மார்ட்டின் குரோவ் அவார். இந்த தொடரில் மூன்று முறை "மேன் ஆஃப் தி மேட்ச்" பெற்றுள்ளார் என்பது குறிப்பிடத்தக்கது. இவர் 2016ம் ஆண்டு மார்ச் 3 அன்று உடல் நல குறைவால் ஆக்லாந்தில் காலமானார்.

1996 உலக கோப்பை - சனத் ஜெயசூர்யா

இந்த உலக கோப்பையில் ஆசிய அணிகளில் ஒன்றான இலங்கை அணி கோப்பையை கைபற்றியது. இந்த உலக கோப்பையில், தொடக்க வீரர்களான சனத் ஜெயசூர்யா மற்றும் ரொமேஷ் கலுவிதாரண ஆகியோர் முதல் 10 ஓவர்களில் ஒரு அணி எவ்வளவு வேகமாக ரன்களை சேர்க்க வேண்டும் என்பதை உலகிற்கு கற்றுக் கொடுத்தனர். இடது கை பேட்டரான சனத் ஜெயசூர்யா விளையாடிய 6 போட்டிகளில் 221 ரன்கள் குவித்தது மட்டுமல்லாமல் 7 விக்கெட்கள் மற்றும் 5 கேட்ச்களை எடுத்தார். இதன் மூலம் அந்த எடிசனின் தொடர் நாயகன் விருதை பெற்றார். இந்த தொடரில் அவர் 2 மேன் அஃப் தி மேட்ச் விருதை கைபற்றினார் என்பது குறிப்பிடத்தக்கது.

1999 உலக கோப்பை - லான்ஸ் க்ளூஸ்னர்

இதுவரை நடைபெற்ற 12 எடிசன்களில் தென் ஆப்பிரிக்காவால் கோப்பையை கைப்பற்றவில்லை என்றாலும், 1999ம் ஆண்டு இங்கிலாந்தில் நடந்த உலக கோப்பையில் இந்த அணி பெறும் தாக்கத்தை ஏற்ப்படுத்தியது. லான்ஸ் க்ளூஸ்னரின் சிறந்த ஆட்டத்தால் அந்த அணி அரைஇறுதி வரை முன்னேறியது. அந்த உலக கோப்பையில் பேட்டிங் மற்றும் பந்து வீச்சில் அசத்திய லான்ஸ், விளையாடிய 9 போட்டிகளில் 8 இன்னிங்ஸில் 281 ரன்கள் குவித்து பந்து வீச்சிலும் 17 விக்கெட்களை கைப்பற்றினார்.

ஆஸ்திரேலியாவுக்கு எதிரான அரையிறுதி போட்டியில் தென் ஆப்பிரிக்கா அணிக்கு கடைசி ஓவரில் 9 மட்டுமே தேவைபட்டது. அதே நேரம் ஆஸ்திரேலியா அணி வெற்றி பெற ஒரு விக்கெட் தேவைபட்டது. லான்ஸ் க்ளூஸ்னர் மற்றும் ஆலன் டொனால்ட் களத்தில் இருந்தனர். ஆனால் டொனால்ட் ரன் அவுட் ஆனார். ஒருவேளை ரன் அவுட் ஆகாமல் இருந்திருந்தால், லான்ஸ் க்ளூஸ்னர் தனது அணியை இறுதி போட்டிக்கு கொண்டு சென்று இருப்பார். இருப்பினும் அந்த எடிசனின் "தொடர் நாயகன்" விருதை லான்ஸ் க்ளூஸ்னர் பெற்றார்.

2003 உலக கோப்பை - சச்சின் டெண்டுல்கர்

என்னதான் இந்திய அணி 1983, 2011 என இரண்டு முறை உலக கோப்பையை கைபற்றி இருந்தாலும் 2003ம் ஆண்டு கங்குலி தலைமையிலான அணி இறுதி போட்டி வரை சென்று கோப்பையை நழுவ விட்டது அணியின் வீரர்களுக்கும், இந்திய ரசிகர்களுக்கும் வருத்தமே. அந்த தொடரில் இறுதி போட்டிக்கு இந்திய அணி முன்னேறியதற்கு சச்சின் டெண்டுல்கரின் பங்கு மிக பெரியது. அந்த தொடரில் அவர் விளையாடிய 11 போட்டிகளில் ஒரு சதம் மற்றும் 6 அரை சதங்கள் உள்பட 673 ரன்கள் விளாசினார். இதன் மூலம் தொடர் நாயகன் விருதை தட்டி சென்றார்.

2007 உலக கோப்பை - கிளென் மெக்ராத்

உலக கோப்பை வரலாற்றில் முதல் முறையாக ஒரு பந்து வீச்சாளர் தொடர் நாயகன் விருதை பெற்றது 2007 உலக கோப்பையில் தான். அந்த உலக கோப்பையில் ஆஸ்திரேலிய பந்து வீச்சாளர் கிளென் மெக்ராத் விளையாடிய 11 போட்டிகளில் 26 விக்கெட்களை கைப்பற்றி தொடர் நாயகனாக தேர்வானார். மேலும், ஆஸ்திரேலியா அணி நான்காவது முறையாக உலக கோப்பையை கைப்பற்றியது.

2011 உலக கோப்பை - யுவராஜ் சிங்

1983ம் ஆண்டு இந்திய அணி உலக கோப்பையை வென்ற பின் மீண்டும் அந்த கோப்பையை முத்த மிட 28 ஆண்டுகள் எடுத்துக் கொண்டது. இலங்கைக்கு எதிரான இறுதி போட்டியில், கேப்டன் தோனி அவருக்கே உண்டான பானியில் சிக்ஸ் அடித்து கோப்பையை பெற்று தந்தார். அந்த எடிசனில் இந்திய அணி இறுதி போட்டி வரை முன்னேறியதற்கு முக்கிய காரணமாக இடது கை பேட்ஸ்மேன் யுவராஜ் சிங் இருந்துள்ளார். அவர் அந்த தொடரில் 8 இன்னிங்ஸில் ஒரு சதம் மற்றும் 4 அரை சதங்கள் உள்பட 362 ரன்கள் விளாசியது மட்டுமல்லாமல் 15 விக்கெட்களையும் கைப்பற்றினார். இதன் மூலம் அந்த எடிசனில் "தொடர் நாயகன்" விருதை பெற்றார்.

2015 உலக கோப்பை - மிட்செல் ஸ்டார்க்

2015ம் ஆண்டு உலக கோப்பையை ஆஸ்திரேலியா மற்றும் நியூசிலாந்து இணைந்து நடத்தியது. நியூசிலாந்துக்கு எதிரான இறுதி போட்டியில், ஆஸ்திரேலிய அணி சுலபமாக வென்று, உலக கோப்பை வரலாற்றில் 5வது முறை கோப்பை பெற்று முத்திரை பதித்தது. இந்த தொடரில் ஆஸ்திரேலியா அணியின் வீரர் மிட்செல் ஸ்டார்க் 22 விக்கெட்களை கைப்பற்றி "தொடர் நாயகன்" விருதை பெற்றார்.

2019 உலக கோப்பை - கேன் வில்லியம்சன்

கிட்டதட்ட 20 ஆண்டுகளுக்கு பின் உலக கோப்பை தொடரை இங்கிலாந்து நடத்தியது. 2019 உலக கோப்பையை எவராலும் அவ்வளவு எளிதில் மறக்க முடியாது. என்னென்றால் நியூசிலாந்துக்கும் இங்கிலாந்துக்கும் நடந்த இறுதி போட்டி டிராவில் முடிந்தது. அதன் பின் நடத்தப்பட்ட சூப்பர் ஓவரும் டிராவில் முடிந்ததால், அதிக பவுண்டரி என்ற கணக்கில் இங்கிலாந்து அணிக்கு கோப்பை வழங்கப்பட்டது. இருப்பினும் இந்த எடிசனில் தொடர் நாயகன் விருதை நியூசிலாந்து அணியின் கேப்டன் கேன் வில்லியம்சன் பெற்றார். இதன் மூலம் அவர் உலக கோப்பை வரலாற்றில் தொடர் நாயக விருதை பெற்ற இரண்டாவது கேப்டன் என்ற பெருமையை பெற்றார். இந்த தொடரில் அவர் விளையாடிய 10 போட்டிகளில் 578 ரன்கள் குவித்தார் என்பது குறிப்பிடத்தக்கது.

2023ம் ஆண்டு உலக கோப்பையை வெல்லப்போவது யார்?

இந்த கேள்விதான் நாம் அனைவரின் மனதில் ஒட்டிக்கொண்டு இருகிறது. வெல்லப்போவது யாராக இருந்தாலும், மேலே குறிப்பிட்டது போல் இந்த உலக கோப்பை தொடர் பலருக்கு கடைசியாக இருக்கும். அதே நேரம் பல இளம் வீரர்கள் தங்களது திறமையை காட்டுவதற்கு நல்ல வாய்ப்பு உள்ளது. இதுவரை 1992 - 2019 உலக கோப்பையில் தொடர் நாயகன் விருதை பெற்ற பேர்ஸ்மேன்கள், ஆல்-ரவுண்டர்கள் மற்றும் பந்து வீச்சாளர்களை நாம் பார்த்தோம். இந்த 13வது எடிசனில் அந்த விருதை வெல்லப்போவது யார் என்பதை நாம் பெருத்திருந்து தான் பார்க்க வேண்டும்.

இதையும் படிங்க:Eng Vs NZ World Cup 2023: நியூசிலாந்துக்கு 283 ரன்கள் இலக்கு! வாகைசூடுமா?