காவி எங்கள் நிரந்தர நிறமல்ல - விராட் கோலி

லண்டன்: இந்திய அணியின் காவி நிற ஜெர்சி இந்த ஒரு போட்டியில் மட்டும்தான் இருக்கும் என நினைப்பதாக கேப்டன் விராட் கோலி தெரிவித்துள்ளார்.

உலகக்கோப்பைத் தொடரில் இங்கிலாந்துக்கு எதிராக நாளை (ஜூன் 30) நடைபெறும் லீக் போட்டியில் இந்திய அணி காவி நிற ஜெர்சி அணிந்து களமிறங்கவுள்ளது. இங்கிலாந்து அணியும் நீல நிற உடையில் இருப்பதால், இந்த முடிவு எடுக்கப்பட்டுள்ளது. ஆனால், பாஜக அரசாங்கம்தான் காவி நிறத்தை தேர்வு செய்திருக்கும் என இதனை நெட்டிசன்கள் கலாய்த்து வருகின்றனர்.

இந்நிலையில் அந்த புதிய சீருடையை இந்திய அணியின் கேப்டன் இன்று வெளியிட்டார். இதுகுறித்து பேசிய அவர் "எதாவது ஒரு மாற்றம் இருப்பது நல்லதுதான். ஒரு ஆட்டத்திற்கு என்றால் இந்த சீருடை சரி. ஆனால் நிரந்தரமாக இந்த புதிய நிறத்தில் ஆடுவோம் என்று நான் நினைக்கவில்லை. நீலம்தான் இந்திய அணியின் நிறம். அதை அணிந்து ஆடுவதில் தான் எங்களுக்குப் பெருமை" என்றார்.