2019ஆம் ஆண்டுக்கான உலகக்கோப்பைத் தொடர் இன்று பிற்பகல் தொடங்கவுள்ளது. உலக கிரிக்கெட் ரசிகர்களிடையே மிகப்பெரிய எதிர்பார்ப்பை ஏற்படுத்தியிருக்கும் இந்தத் தொடரை சுவாரஸ்யப்படுத்த பல்வேறு வழிகளில் ஐசிசி முயற்சி செய்து வருகிறது.
சச்சின் இல்லாத உலகக்கோப்பையா? எண்ட்ரி கொடுத்த சச்சின்!
லண்டன்: கிரிக்கெட்டின் கடவுள் என ரசிகர்களால் கொண்டாடப்படும் இந்திய அணியின் முன்னாள் வீரர் சச்சின் டெண்டுல்கர், இந்த உலகக்கோப்பைத் தொடரிலிருந்து வர்ணனையாளராக தனது புதிய அத்தியாயத்தை தொடங்கவுள்ளார்.
சச்சின்
உலகக்கோப்பைத் தொடரில் வீரர்களின் ஆட்டத்தை நேரடி வர்ணனை செய்யவுள்ளவர்கள் பட்டியலை ஐசிசி சில நாட்களுக்கு முன்பு வெளியிட்டது. தற்போது ஸ்டார் ஸ்போர்ட்ஸ் நிறுவனத்திற்காக முதன்முறையாக சச்சின் டெண்டுல்கர் வர்ணனையாளராக களமிறங்கவுள்ளார்.
இதுவரை 6 உலகக்கோப்பை தொடர்களில் விளையாடியுள்ள சச்சின், முதன்முறையாக வர்ணனையாளராக பங்கேற்பது ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது.