ஆஸ்திரேலியாவில் நடைபெற்றுவரும் மகளிர் டி20 உலகக்கோப்பை தொடர் இறுதிக் கட்டத்தை எட்டியுள்ளது. நாளை மெல்போர்ன் கிரிக்கெட் மைதானத்தில் நடைபெறவுள்ள இறுதிப் போட்டியில் இந்திய அணி, நடப்பு சாம்பியன் ஆஸ்திரேலியாவுடன் பலப்பரீட்சை நடத்தவுள்ளது.
இப்போட்டி தொடங்கவுதற்கு முன்பும், போட்டி முடிந்த பின்பும் அமெரிக்காவின் பிரபல பாப் பாடகி கேட்டி பெர்ரி லைவ் பர்ஃபாமென்ஸ் செய்யவுள்ளார். அதற்காக மைதானத்துக்கு இன்று வருகை தந்த அவர் ஹர்மன்ப்ரீத் கவுர் தலைமையிலான இந்திய அணியைச் சந்தித்து பேசினார்.
அதில், நாளை இறுதிப் போட்டியில் யார் யார் விளையாடுவார்கள் என அவர் கேள்வி கேட்டார். அதற்கு இந்திய வீராங்கனை வேதா கிருஷ்ணமூர்த்தி, ஐசிசியின் விதிமுறைப்படி டாஸ் போடுவதற்கு முன் அணி விவரங்களைத் தெரிவிக்கக் கூடாது என பதலளித்தார்.