கரோனா வைரஸ் காரணமாக நாடுமுழுவதும் ஊரடங்கு அமல்படுத்தப்பட்டுள்ளதால், விளையாட்டு வீரர்கள் குடும்பத்தாருடனும், சமூக வலைத்தளங்களிலும் நேரத்தை செலவிட்டு வருகின்றனர். இந்நிலையில் இந்திய அணியின் வேகப்பந்து வீச்சாளர் ஜஸ்ப்ரித் பும்ரா, இந்திய அணியின் முன்னாள் ஆல் ரவுண்டர் யுவராஜ் சிங்குடன் இன்ஸ்டாகிராம் நேரலை நேர்காணலில் இணைந்தார்.
அப்போது யுவராஜ் சிங் பும்ராவிடம், உங்களது பேட்டிங்கில் நீங்கள் எடுத்துள்ள அதிகபட்ச ரன்கள் என்றால், ஒருநாள் போட்டியில் 10 ரன்கள், டெஸ்டில் 10 ரன்கள், ஐபிஎல் தொடரில் 16 ரன்களை எடுத்துள்ளீர்கள். மேலும் 80 முதல் தர போட்டிகளில் விளையாடி 82 ரன்களை எடுத்துள்ளீர்கள் என்று குறிப்பிட்டிருந்தார்.