கரோனா பெருந்தொற்றின் காரணமாக விளையாட்டு வீரர்கள் தங்களது நேரத்தைச் சமூக வலைதளங்களில் செலவிடுவதை வழக்கமாகக் கொண்டுள்ளனர். அந்த வரிசையில் திரைத் துறையைச் சேர்ந்தவர்களைவிட மிகவும் பிரபலமாக வலம்வருபவர், ஆஸ்திரேலிய அணியின் டேவிட் வார்னர்.
இதுவரை கிரிக்கெட்டில் மட்டும் தனது அதிரடியைக் காட்டி வந்த வார்னர், கரோனா ஊரடங்கின் காரணமாக டிக்டாக்கிலும் தனது அசத்தல் திறமைகளை வெளிப்படுத்தி வருகிறார். அந்த வகையில் தனது மனைவி, குழந்தைகளுடன் அவர் வெளியிடும் காணொலி, ரசிகர்கள் மத்தியில் மிகுந்த வரவேற்பைப் பெற்றுவருகின்றன.