டெல்லி: கடந்த தசாப்தத்தில் தனது வாழ்க்கை காலணியில் தொடங்கி, ஷூவில் நிறைவடைந்திருப்பதாக தெரிவித்துள்ளார் இந்திய கிரிக்கெட் அணியின் கேப்டன் விராட் கோலி.
2020ஆம் ஆண்டு தொடங்கி 3 நாட்கள் ஆகியும் கொண்டாட்டங்கள் தொடர்ந்துகொண்டே இருக்கின்றன. அடுத்த தசாப்தத்தின் தொடக்கம் என்பதால் பலரும் கடந்த பத்து ஆண்டுகளில் தங்களது வாழ்க்கையில் நிகழ்ந்த சுவாரஸ்யமான விஷயங்களை நினைவுபடுத்தி வருகிறார்கள். இதையடுத்து பிரபலங்கள் பலர் விடியோவாகவும், புகைப்படமாகவும் தங்களது தசாப்தத்தை தெரிவித்து வருகின்றனர்.
அந்த வகையில் இந்திய கிரிக்கெட் அணியின் கேப்டன் விராட் கோலி, தனது 10 வருட வாழ்க்கையில் நிகழ்ந்த மாற்றத்தை ஒரே புகைப்படம் மூலம் வெளிப்படுத்தியுள்ளார்.
கை இல்லாத பனியன், முகத்தில் மீசையும் இல்லாமல் பதின்ம வயது தோற்றத்தில் கைகளில் பிளப்-பிளாப் காலணி வைத்து பின்னணியில் அருவி தெரிய எடுத்துக்கொண்ட புகைப்படமும், அதற்கு கீழே கிரிக்கெட் ஸ்டேடியம் பின்னணியில் இந்திய கிரிக்கெட் அணியின் பயிற்சி ஜெர்சி அணிந்தவாறு கைகளில் பூமா ஷூவை வைத்தவாறு எடுத்துக்கொண்ட மற்றொரு புகைப்படத்தையும் பதிவிட்டுள்ளார்.