பிக் பாஷ் தொடரின் நேற்றைய போட்டியில் மெல்போர்ன் ரெனிகேட்ஸ் அணிக்கு எதிராக அடிலெய்ட் ஸ்ட்ரைக்கர்ஸ் அணி விளையாடியது. இதில் முதலில் ஆடிய அடிலெய்ட் ஸ்ட்ரைக்கர்ஸ் அணி 20 ஓவர்களில் 6 விக்கெட்டுகள் இழப்பிற்கு 155 ரன்கள் எடுத்தது.
இதையடுத்து களமிறங்கிய மெல்போர்ன் ரெனிகேட்ஸ் அணி சீரான இடைவேளையில் விக்கெட்டுகளை இழந்ததால் 16 ஓவர்கள் முடிவில் 110 ரன்களுக்கு 6 விக்கெட்டுகளை இழந்து விளையாடியது. இதன்பின் 17ஆவது ஓவரை ரஷீத் கான் வீசினார்.
அந்த ஓவரின் மூன்றாவது பந்தில் மெல்போர்ன் அணி வீரர் வெப்ஸ்டர் எல்பிடபிள்யூ ஆனார். இதற்கு ரஷீத் கான் அப்பீல் செய்ய, முதலில் விக்கெட் கொடுத்து கையை தூக்கிய அம்பயர், பின்னர் தனது முடிவை மாற்றி தனது மூக்கினை சரிசெய்துகொண்டார்.