இந்தியா - வங்கதேச அணிகளுக்கு இடையிலான இரண்டாவது டெஸ்டானது பகலிரவு போட்டியாக கொல்கத்தாவிலுள்ள ஈடன் கார்டனில் நடைபெற்று வருகிறது. இந்த போட்டியில் முதலில் டாஸ் வென்ற வங்கதேச அணி பேட்டிங்கைத் தேர்வு செய்தது.
அதன்படி களமிறங்கிய வங்கதேச அணி வீரர்கள் இந்திய அணியின் வேகப்பந்துவீச்சுக்கு ஈடுகொடுக்க முடியாமல் ஆரம்பம் முதலே திணறினர். குறிப்பாக வங்கதேச அணியின் நட்சத்திர வீரர்கள் கேப்டன் மனிமுல் ஹக், முகமது மித்துன், முஷ்பிக்கூர் ரஹிம் ஆகியோர் டக் அவுட் ஆகி அதிர்ச்சியளித்தனர்.
இதன் மூலம் வங்கதேச அணி தனது முதல் இன்னிங்ஸில் 106 ரன்களை மட்டுமே எடுத்து அனைத்து விக்கெட்டுகளையும் இழந்தது. இந்திய அணி சார்பில் வேகப்பந்துவீச்சளர் இஷாந்த் சர்மா ஐந்து விக்கெட்டுகளை வீழ்த்தி அசத்தினார்.