கிரிக்கெட்டின் மேஸ்ட்ரோ என அழைக்கப்படும் சச்சின் டெண்டுல்கர் தனது கடைசி மற்றும் 200ஆவது டெஸ்ட் போட்டியை வெஸ்ட் இண்டீஸ் அணிக்கு எதிராக ஆடினார்.
நேற்றோடு சச்சின் ஓய்வை அறிவித்து 7 ஆண்டுகள் நிறைவடைந்துள்ளது. இதனையொட்டி சமூக வலைதளங்களில் ரசிகர்கள் பலரும் சச்சின் குறித்த தங்களது நினைவுகளை பகிர்ந்து வந்தனர்.
இந்நிலையில் ஓய்வுக்கு பின் தனது நண்பர்களான லாரா, கிறிஸ் கெய்ல் ஆகியோர் வழங்கிய பரிசு குறித்து சச்சின் வீடியோ வெளியிட்டுள்ளார். அந்த வீடியோவில், '' 7 ஆண்டுகளுக்கு முன்னதாக இன்று, எனது நண்பர்களான லாரா, கிறிஸ் கெய்ல் ஆகியோர் இந்த ஸ்டீல் டிரம் -ஐ (drum) பரிசாக வழங்கினர். இசைக் கருவியை பரிசாக வழங்குவது மிகச்சிறந்ததது. மீண்டும் நன்றி கூட கடமைப்பட்டுள்ளேன். என்மீது எந்த அளவிற்கு அன்பு வைத்திருக்கிறார்களோ, அதே அளவிற்கு அவர்கள் மீது அன்பு வைத்துள்ளேன்.