90ஸ் கிட்ஸ்களுக்கு பிடித்த கிரிக்கெட் வீரர்களான சச்சின், சேவாக், பிரட் லீ, ஜான்டி ரோட்ஸ், முத்தையா முரளிதரன் உள்ளிட்ட வீரர்கள் ஓய்வு பெற்றிருந்தாலும், தற்போது மீண்டும் இரண்டாவது இன்னிங்ஸில் களமிறங்கவுள்ளனர். சாலை பாதுகாப்பு விழிப்புணர்வுக்காக அடுத்தாண்டு உலக டி20 கிரிக்கெட் தொடர் நடைபெறவுள்ளது.
இதில் இந்தியா, ஆஸ்திரேலியா, இலங்கை, வெஸ்ட் இண்டீஸ், தென் ஆப்பிரிக்கா ஆகிய ஐந்து அணிகளிலிருந்து ஓய்வுபெற்ற 90ஸ் கிட்ஸ்களுக்கு பிடித்த நட்சத்திர வீரர்கள் விளையாடவுள்ளனர். இந்தத் தொடருக்கான தொடக்க விழா மும்பையில் இன்று நடைபெற்றது. இவ்விழாவில் சச்சின், பிரையன் லாரா, சேவாக், பிரட் லீ, தில்ஷான், ஜான்டி ரோட்ஸ் ஆகியோர் கலந்துக்கொண்டு புகைப்படம் எடுத்துக்கொண்டனர்.